khayal E Kham | Poetry By Anjum Khayali

انجم خیالی صاحب اردو شاعری کا ایک معتبر نام ہے ان کی یہ کتاب اور اس میں شامل بہت سے اشعار آپ کے لیے اجنبی نہیں ہوں گے ۔۔ یہ وہ شاعری ہے جو ضرب المثل کی صورت اختیار کر چکی ہے ۔ ان کے اشعار ہم نے بارہا سنے آپ نے بھی سنے ہوں گے لیکن ان اشعار کے بارے میں کسی کو معلوم نہیں کہ یہ کس کے شعر ہیں شعر اپنی پہچان خود بناتا ہے شعر کا سفر دور تک جاتا ہے ۔۔ یہ کتاب ندیم بھابھہ نے’’ وراق ‘‘ کے زیر اہتمام شائع کی اور اس میں عطاء الحق قاسمی ، ڈاکٹر غافر شہزاد کی آراء شامل ہیں ۔۔ کتاب دوستوں کے لیے یہ ایک بہت منفرد کتاب ہے۔۔
چند اشعارملاحظہ کیجیئے ۔۔
میرے آنسو کبھی نہیں رکتے
میں ہمیشہ وضو سے رہتا ہوں

سنبھال رکھی ہیں دامن کی دھجیاں میں نے
اگست آیا تو پھر جھنڈیاں بناؤں گا

مرے مزار پر آ کر دیئے جلائے گا
وہ میرے بعد مری زندگی میں آئے گا