Ummat Kay Charagh | By M M Adeeb

معروف افسانہ نگار اور دانشور ایم ایم ادیب کی یہ کتاب امت کے چراغ بھولے بسرے علماء وفقہاء کے بارے میں ہے ۔ وہ اس کے پیش لفظ میں لکھتے ہیں ۔
’’ اس کتاب میں شامل ہر عالم، محدث ، فقیہ اور مفکر محض ایک تاریخی شخصیت نہیں بلکہ ایک فکری علامت، ایک روحانی منارہ، اور ایک علمی ورثے کا نمائندہ ہے۔ ان میں سے بعض نے فقہ کی بنیاد رکھی، بعض نے حدیث کو اصولی سانچے میں ڈھالا، کچھ نے زہد و تقویٰ سے کردار تر اشا اور کچھ نے تہذیبی زوال کے مقابل فکری مقاومت کی صورت اختیار کی۔ ) اگر امام جعفر صادق اور امام ابوحنیفہ امت کی اجتہادی بصیرت کے سنگ بنیاد ہیں، تو امام شافعی، ابن حنبل اور مالک نے اسے اصول وضوابط کا لباس پہنایا۔ امام بخاری، مسلم، نسائی اور ترندی نے حدیث کی روایت کو روایت یقین میں ڈھالا ۔ ابن تیمیہ نے عقل و نقل کا توازن قائم رکھا، اور غزائی نے باطن کی دنیا سے علم کے سچ کو آشنا کیا۔
آج کی فکری ، تہذیبی اور سیاسی دنیا میں جہاں امت کا نو جوان شناخت ، رہنمائی اور اصولی ربط سے محروم ہوتا جا رہا ہے، وہاں یہ کتاب اس طرف اشارہ کرتی ہے کہ: دامت کے زوال کا ایک بڑا سبب اپنے علمی ورثے سے نا آشنائی اور اس کے وارثوں سے بے خبری ہے۔ یہ فقہا و علاء : صرف فتاوی دینے والے نہیں تھے، بلکہ زندگی کے سوالات کا جواب دینے والے تھے‘‘ ۔یہ کتاب منگوانے والوں کو دو ہزار روپے سے کم کی خریداری پر ڈاک خرچ خود ادا کرنا ہو گا ۔۔